കുടുംബശ്രീയുടെ നേതൃത്വത്തിൽ വൻ തൊഴിൽമേള.
കുടുംബശ്രീയുടെ നേതൃത്വത്തിൽ 50 കമ്പനികളിലായി 1200ലധികം ജോലി ഒഴിവുകൾ
തിരുവനന്തപുരം : കുടുംബശ്രീയുടെ നേതൃത്വത്തിൽ 14-01-23 ശനിയാഴ്ച പട്ടം ഗേൾസ് ഹയർ സെക്കന്ററി സ്കൂളിൽ വച്ച് വിപുലമായ തൊഴിൽമേള സംഘടിപ്പിക്കുന്നു. വിവിധ മേഖലകളിൽ നിന്നും 50 പ്രൊഫഷണൽ കമ്പനികൾ പങ്കെടുക്കുന്ന തൊഴിൽമേളയിൽ 1200 ൽ അധികം തൊഴിൽ അവസരങ്ങളാണ് ഉള്ളത്. പ്ലസ് ടു മുതൽ ഡിഗ്രി, ബി-ടെക്,ഐ ടി ഐ ഡിപ്ലോമ,ജനറൽ നഴ്സിംഗ്, തുടങ്ങി വിവിധ വിദ്യാഭ്യാസ യോഗ്യതയുള്ളവർക്ക് തൊഴിൽമേളയിൽ പങ്കെടുക്കാം
എന്റെ നൈപുണ്യം എന്റെ വ്യക്തിത്വം' എന്ന ആശയ സാക്ഷാത്ക്കാരം ലക്ഷ്യമിട്ട് കേന്ദ്ര സർക്കാരിന്റെ നേതൃത്വത്തിൽ കേരള സംസ്ഥാന സർക്കാരിന്റെ ദാരിദ്ര്യ നിർമ്മാർജന മിഷനായ കുടുംബശ്രീ മുഖേന നടപ്പിലാക്കുന്ന പദ്ധതിയാണ് “ദീൻ ദയാൽ ഉപാദ്ധ്യായ ഗ്രാമീൺ കൗശല്യ യോജന', അഭ്യസ്ത വിദ്യരയ 18-35 പ്രായമുള്ള യുവതി - യുവാക്കൾക്ക് തൊഴിൽ ലഭ്യമാക്കുന്നതിന് രാവിലെ 10.00 മണി മുതൽ പട്ടം, തിരുവനന്തപുരം ഗവൺമെന്റ് മോഡൽ ഗേൾസ് ഹയർ സെക്കന്ററി സ്കൂളിൽ വച്ച് തൊഴിൽ മേള സംഘടിപ്പിക്കുവാൻ തീരുമാനിച്ചിട്ടുണ്ട്.
പ്രസ്തുത തൊഴിൽ മേളയിൽ വിവിധ സ്ഥാപനങ്ങളിൽ നിന്നായി 1500 തൊഴിലവസരങ്ങളിലേയ്ക്കാണ് തൊഴിൽ അന്വേഷകരെ ക്ഷണിക്കുന്നത്. തൊഴിൽ മേളയിൽ പങ്കെടുക്കുന്ന ഉദ്യോഗാർത്ഥികൾ താൽപ്പര്യമുള്ള മേഖലകൾ പരിശോധിച്ച് ഓരോ സ്ഥാപനങ്ങളിലും ഇന്റർവ്യൂവിന് ഹാജരാക്കാൻ ആവശ്യമായ അത്രയും ബയോഡാറ്റ സഹിതം ഉച്ചയ്ക്ക് 12.00 മണിക്ക് മുമ്പായി രജിസ്ട്രേഷൻ നടത്തുന്നതിനുള്ള നിർദ്ദേശം നൽകേണ്ടതാണ്..
✅️ ലാബ് ടെക്നീഷ്യൻ ജോലി ഒഴിവ്
തിരുവനന്തപുരം സ്റ്റേറ്റ് പബ്ലിക് ഹെൽത്ത് ആൻഡ് ക്ലിനിക്കൽ ലബോറട്ടറിയിൽ NCDC യുടെ കീഴിൽ ആരംഭിക്കുന്ന 'National Rabies Control Programme' (NRCP), and 'Programme for Prevention and Control of Leptospirosis (PPCL) എന്നീ ദേശീയ പദ്ധതികളിലേക്ക് ലബോറട്ടറി ടെക്നിഷ്യന്റെ താത്കാലിക ഒഴിവുകളുണ്ട്. രണ്ട് ഒഴിവുകളാണുള്ളത്. ശമ്പളം പ്രതിമാസം 25000 രൂപ അപേക്ഷ സ്വീകരിക്കുന്ന അവസാന തീയതി ജനുവരി 25 വൈകിട്ട് 4 മണി. അപേക്ഷ അയക്കേണ്ട വിലാസം: ഡയറക്ടർ, സ്റ്റേറ്റ് പബ്ലിക് ഹെൽത്ത് ആൻഡ് ക്ലിനിക്കൽ ലബോറട്ടറി, വഞ്ചിയൂർ.പി.ഒ, തിരുവനന്തപുരം - 695035. കൂടുതൽ വിവരങ്ങൾക്ക്: 0471-2472225
✅️ പി.ആർ.ഡിയിൽ അസിസ്റ്റന്റ് എഡിറ്റർ ഡെപ്യൂട്ടേഷൻ
ഇൻഫർമേഷൻ - പബ്ലിക് റിലേഷൻസ് വകുപ്പിൽ നിലവിലുള്ള അസിസ്റ്റന്റ് എഡിറ്റർമാരുടെ 11 ഒഴിവുകളിലേക്ക് അന്യത്ര സേവന വ്യവസ്ഥയിൽ നിയമിക്കപ്പെടാൻ താത്പര്യമുള്ള ഉദ്യോഗസ്ഥരിൽനിന്ന് അപേക്ഷ ക്ഷണിച്ചു. വകുപ്പ് ഡയറക്ടറേറ്റിൽ നാലും ഇടുക്കി, ആലപ്പുഴ, തൃശൂർ, പാലക്കാട്, കാസർഗോഡ് ജില്ലാ ഇൻഫർമേഷൻ ഓഫിസുകളിൽ ഒന്നു വീതവും കോഴിക്കോട് മേഖലാ ഡെപ്യൂട്ടി ഡയറക്ടറുടെ ഓഫിസ്, ന്യൂഡൽഹി ഇൻഫർമേഷൻ ഓഫിസ് എന്നിവിടങ്ങളിൽ ഓരോ ഒഴിവുകളുമാണുള്ളത്. 43400 - 91200 ശമ്പള സ്കെയിലിലുള്ള ഉദ്യോഗസ്ഥർക്ക് അപേക്ഷിക്കാം. 10/01/2023 തീയതിയിലെ വാല്യം 12, നം. 2 പ്രകാരമുള്ള ഗസറ്റ് വിജ്ഞാപനത്തിൽ നിർദേശിച്ചിട്ടുള്ള യോഗ്യതകളും വേണം. താത്പര്യമുള്ള ഉദ്യോഗസ്ഥർ നിശ്ചിത മാതൃകയിലുള്ള അപേക്ഷ ഒരു മാസത്തിനകം ഇൻഫർമേഷൻ പബ്ലിക് റിലേഷൻസ്(എ) വകുപ്പിൽ ലഭ്യമാക്കണം.
✅️ തൊഴില്മേള ജനുവരി 13 ന്
എംപ്ലോയബിലിറ്റി സെന്റര്, ജില്ലാ എംപ്ലോയ്മെന്റ് എക്സ്ചേഞ്ച് എന്നിവയുടെ ആഭിമുഖ്യത്തില് സ്വകാര്യമേഖലാ സ്ഥാപനങ്ങളിലെ ഒഴിവുകളിലേക്ക് ജനുവരി 13 ന് രാവിലെ 10.30 ന് തൊഴില്മേള നടത്തുന്നു.
അഭിമുഖത്തില് പങ്കെടുക്കാന് താത്പര്യമുള്ളവര് ബയോഡാറ്റയും ഏതെങ്കിലും തിരിച്ചറിയല് രേഖയുടെ പകര്പ്പും വണ് ടൈം രജിസ്ട്രേഷന് ഫീസായി 250 രൂപയും സഹിതം അന്നേദിവസം രാവിലെ 10.30 ന് ജില്ലാ എംപ്ലോയ്മെന്റ് ഓഫീസില് എത്തണമെന്ന് ജില്ല എംപ്ലോയ്മെന്റ് ഓഫീസര് അറിയിച്ചു. എംപ്ലോയബിലിറ്റി സെന്ററില് രജിസ്റ്റര് ചെയ്തിട്ടുള്ള രസീതി ലഭിച്ചവര് അത് നല്കണം.
സെയില്സ് എക്സിക്യൂട്ടീവ്സ്(യോഗ്യത പ്ലസ് ടു. പ്രായപരിധി 40 വയസ്), മാര്ക്കറ്റിങ് എക്സിക്യൂട്ടീവ്സ്, സെക്രട്ടറി, പ്രൊക്യൂര്മെന്റ് എന്ജിനീയര്(ബിരുദം),
ട്രൈനി ബയോമെഡിക്കല്(ബി.ടെക്/ബി.ഇ ഇന് ബയോമെഡിക്കല്), പ്രൊജക്ട് എന്ജിനീയര്, ജൂനിയര് എന്ജിനീയര്, പ്ലാനിങ് എന്ജിനീയര്, ഫിറ്റ് ഔട്ട് എന്ജിനീയര്, ക്വാണ്ടിറ്റി സര്വേവര്, ക്വാളിറ്റി കണ്ട്രോളര്(ബി.ടെക്/ബി.ഇ ഇന് സിവില്), ആര്ക്കിടെക്(ബി.ആര്ക്ക്), ഇ.ആര്.പി എക്സിക്യൂട്ടീവ്(ബി.സി.എ/ബി.എസ്.സി കമ്പ്യൂട്ടര് സയന്സ്), ഡ്രാഫ്റ്റ്സ്മാന് ഇലക്ട്രിക്കല്(ഐ.ടി.ഐ ഇലക്ട്രിക്കല്), ഡ്രാഫ്റ്റ്സ്മാന്(ഐ.ടി.ഐ ഡ്രാഫ്റ്റ്സ്മാന്), പ്രൊഡക്ഷന് എന്ജിനീയര്(ബി.ടെക്/ബി.ഇ മെക്കാനിക്കല് അല്ലെങ്കില് ബി.ടെക്/ബി.ഇ ഇന് സിവില്), സ്ട്രക്ച്ചറല് ഡിസൈന് എന്ജിനീയര്(ബി.ടെക്/ബി.ഇ സ്ട്രക്ചറല് എന്ജിനീയറിങ്), എച്ച്.ആര് ജനറലിസ്റ്റ്(എം.ബി.എ ഇന് എച്ച്.ആര്) എന്നീ ഒഴിവുകളിലേക്കാണ് തൊഴില്മേള നടത്തുന്നത്. ഫോണ്: 0491 2505435