വനിത'യിൽ ജോലി ഒഴിവുകൾ
സിനിയർ ആർട്ടിസ്റ്റുമാരെ തേടുന്നു
ഇന്ത്യയിലെ ഏറ്റവും പ്രചാരമുള്ള വനിതാ പ്രസിദ്ധീകരണമായ 'വനിത'യിൽ സീനിയർ ആർട്ടിസ്റ്റ് ആകാൻ അവസരം. പേജ് വിഷ്വലൈസേഷൻ, ഡിസൈൻ ഇവയിൽ അറിവും മാഗസിൻ ഡിസൈൻ രംഗത്തു മൂന്നു വർഷത്തെ പ്രവൃത്തിപരിചയവും ഉള്ളവർക്ക് അപേക്ഷിക്കാം ഫോട്ടോഷോപ്, ഇൻഡിസൈൻ എന്നിവയിൽ അറിവ് ഉണ്ടായിരിക്കണം
വിദ്യാഭ്യാസ യോഗ്യത ബിരുദം വിശദമായ ബയോഡേറ്റ, വർക്സാംപിൾ ഇവ സഹിതം പത്തുദിവസത്തിനകം അപേക്ഷിക്കുക. (നിയമനം കരാർ അടിസ്ഥാനത്തിലായിരിക്കും ലൊക്കേഷൻ കോട്ടയം)
അപേക്ഷ അയയ്ക്കേണ്ട വിലാസം HUMAN RESOURCES DIVISION,
MM Publications Ltd., P.B. No. 226, Kottayam-686 001
hr@mmp.in എന്ന ഇ മെയിൽ വിലാസത്തിലും
അപേക്ഷ അയയ്ക്കാം
അപേക്ഷ അയയ്ക്കുന്ന കവറിനു പുറത്ത്
സബ്ജക്ട് ലൈനിൽ AT 2023 എന്നു രേഖപ്പെടുത്തണം.
✅️ ഹിന്ദി അധ്യാപക താത്കാലിക നിയമനം
തിരുവനന്തപുരം കൈമനം സർക്കാർ വനിത പോളിടെക്നിക് കോളജിലെ വിദ്യാർഥിനികൾക്ക് സിലബസിന്റെ ഭാഗമായി ഹിന്ദി അധ്യാപകനെ ദിവസവേതനാടിസ്ഥാനത്തിൽ താത്കാലികമായി നിയമിക്കുന്നു. എം.എ ഹിന്ദി ഒന്നാം ക്ലാസ് യോഗ്യതയുള്ള താത്പര്യമുള്ള ഉദ്യോഗാർഥികൾ ബയോഡാറ്റാ, യോഗ്യത തെളിയിക്കുന്ന അസൽ സർട്ടിഫിക്കറ്റുകൾ എന്നിവയുമായി ഫെബ്രുവരി 24 രാവിലെ 10ന് കോളജ് പ്രിൻസിപ്പൽ മുമ്പാകെ കൂടിക്കാഴ്ചയ്ക്ക് ഹാജരാകണം. വിശദവിവരങ്ങൾക്ക്: 0471-2491682.
✅️വനിതാ ഹോംഗാർഡ് നിയമനം
തൃശ്ശൂർ ജില്ലയിൽ വനിതാ ഹോംഗാർഡുകളെ നിയമിക്കുന്നതിനായി അപേക്ഷ ക്ഷണിച്ചു. അപേക്ഷകർ പത്താംതരം പാസ്സായ, നല്ല ശാരീരിക ക്ഷമതയുള്ള, ആർമി/നേവി/എയർഫോഴ്സ്/ബിഎസ്എഫ്/സിആർപിഎഫ്/എൻഎസ്ബി/ആസ്സാം റൈഫിൾസ് തുടങ്ങിയ സൈനിക/അർധസൈനിക വിഭാഗങ്ങളിൽ നിന്നും പോലീസ്, ഫയർ ആന്റ് റെസ്ക്യൂ സർവീസസ്, എക്സൈസ്, ഫോറസ്റ്റ്, ജയിൽ എന്നീ സംസ്ഥാന സർവീസുകളിൽനിന്നും റിട്ടയർ ചെയ്തവരായിരിക്കണം. നിർദിഷ്ട വിദ്യാഭ്യാസ യോഗ്യതയുളള അപേക്ഷാർത്ഥികളുടെ അഭാവത്തിൽ ഏഴാംതരം പാസ്സായവരേയും പരിഗണിക്കും. അപേക്ഷകർ 35 വയസ്സിനും 58 വയസ്സിനും ഇടയിൽ പ്രായമുള്ളവർ ആയിരിക്കണം.
അപേക്ഷകർ 100 മീറ്റർ ദൂരം 18 സെക്കന്റിനുള്ളിൽ ഓടി എത്തുക, 3 കി.മീ. ദൂരം 30 മിനിറ്റിനുള്ളിൽ നടന്ന് എത്തുക എന്നീ ശാരീരിക ക്ഷമതാ ടെസ്റ്റുകൾ വിജയിക്കേണ്ടതാണ്.
പ്രതിദിനം 780 രൂപയാണ് വേതനം.
യോഗ്യരായവർ നിർദ്ദിഷ്ട അപേക്ഷാഫോം പൂരിപ്പിച്ച് ജില്ലയിലെ ഫയർ ആൻഡ് റെസ്ക്യൂ സെർവിസസ് ജില്ലാ ഫയർ ഓഫീസർക്ക് നൽകേണ്ടതാണ്. അപേക്ഷാ ഫോറത്തിന്റെ മാതൃക തൃശ്ശൂർ ജില്ല ഫയർ ആന്റ് റെസ്ക്യൂ സർവീസസ്, ജില്ലാ ഫയർ ഓഫീസിൽ പ്രവൃത്തിദിവസങ്ങളിൽ രാവിലെ 10 മുതൽ വൈകീട്ട് 5വരെ ലഭ്യമാണ്.
പൂരിപ്പിച്ച അപേക്ഷകൾ സമർപ്പിക്കേണ്ട അവസാന തീയതി 2023 മാർച്ച് 7. പ്രവൃത്തിദിവസങ്ങളിൽ രാവിലെ 10 മുതൽ 5 വരെ ജില്ലാ ഫയർ ഓഫീസിൽ അപേക്ഷ സമർപ്പിക്കാം.
ഫോൺ : 0487- 2420183