പ്ലസ്സ്ടു യോഗ്യത ഉള്ളവർക്ക് ഡാറ്റ എൻട്രി മുതൽ അവസരങ്ങൾ
പ്ലസ്സ്ടു പാസ്സായതും ഗവണ്മെന്റ് അംഗീകൃത സ്ഥാപനങ്ങളില് നിന്ന് ആറു മാസത്തില് കുറയാത്ത ഡാറ്റ എന്ട്രി ഓപ്പറേറ്റര് കോഴ്സ് വിജയിച്ചവര്ക്ക് അപേക്ഷിക്കാം.
മലയാളം ഇംഗ്ലീഷ് ടൈപ്പിംഗ് അറിഞ്ഞിരിക്കണം. അഡോബ് പേജ് മേക്കര് പ്രവൃത്തി പരിചയം, ബിസിഎ, ബിടെക്ക് ഇന് കമ്പ്യൂട്ടര് സയന്സ് എന്നിവ അഭിലഷണീയം.
താത്പര്യമുള്ള ഉദ്യോഗാര്ത്ഥികള് ബയോഡാറ്റ, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്ട്ടിഫിക്കറ്റുകളുടെ പകര്പ്പുകള് സഹിതം ജനുവരി ഏഴിനകം ജില്ലാ പ്ലാനിംഗ് ഓഫീസില് നേരിട്ടോ തപാല് മാര്ഗ്ഗമോ അപേക്ഷ നല്കണം.
🔰മലപ്പുറം: ജില്ലാ എംപ്ലോയ്മെന്റ് എക്സ്ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില് സംഘടിപ്പിക്കുന്ന പ്രയുക്തി മെഗാ ജോബ് ഫെയര് ജനുവരി നാലിന് രാവിലെ 10 ന് തിരൂര് എസ്.എസ്.എം. പോളിടെക്നിക്ക് കോളേജില് നടക്കും.
കുറുക്കോളി മൊയ്തീന് എം.എല്.എ ഉദ്ഘാടനം ചെയ്യും.
നാല്പതില്പ്പരം കമ്പനികള് പങ്കെടുക്കുന്ന ജോബ് ഫെയറില് 1500 ഓളം ഒഴിവുകള് റിപ്പോര്ട്ട് ചെയ്തിട്ടുണ്ട്.
മെഗാ ജോബ് ഫെയറില് പങ്കെടുക്കാനാഗ്രഹിക്കുന്ന ഉദ്യോഗാര്ത്ഥികള് ബയോഡാറ്റയും മറ്റു യോഗ്യതാ സര്ട്ടിഫിക്കറ്റുകളും സഹിതം ഹാജരാവണം.
മുന്കൂട്ടി രജിസ്റ്റര് ചെയ്യാന് സാധിക്കാത്ത ഉദ്യോഗാര്ത്ഥികള്ക്ക് സ്പോട്ട് രജിസ്ട്രേഷന് സൗകര്യമുണ്ടാകും. രജിസ്ട്രേഷന് സൗജന്യമാണ്.