എൽഐസിയിൽ വിവിധ അവസരങ്ങൾ
അസിസ്റ്റന്റ് അഡ്മിനിസ്ട്രേറ്റീവ് ഓഫിസർ തസ്തികയിൽ 760 ഒഴിവുണ്ട്. ജനറലിസ്റ്റ് വിഭാഗത്തിൽ 350 ഒഴിവുകൾ.
സ്പെഷലിസ്റ്റ് വിഭാഗത്തിൽ
ഇൻഷുറൻസ് സ്പെഷലിസ്റ്റ് (310), ചാർട്ടേഡ് അക്കൗണ്ടന്റ് (30), ആക്ചോറിയൽ (30),
ലീഗൽ (30),
കമ്പനി സെക്രട്ടറി (10) എന്നിങ്ങനെയാണ് അവസരം.
ശമ്പളം: 88,635-1,69,025 .
യോഗ്യത വിവരങ്ങൾ
ജനറലിസ്റ്റ്: ഏതെങ്കിലും ബിരുദം. പ്രായം 21-30.
ഇൻഷുറൻസ് സ്പെഷലിസ്റ്റ്:
യോഗ്യത :ഏതെങ്കിലും ബിരുദവും ലൈഫ് ഇൻഷുറൻസിൽ പ്രഫഷനൽ യോഗ്യതയും ലൈഫ് ഇൻഷുറൻസ് കമ്പനികളിൽ 5 വർഷം പരിചയവും.
പ്രായം 21- 30. അർഹർക്ക് ഇളവ്. യോഗ്യത, പ്രായം എന്നിവ 2025 ഓഗസ്റ്റ് ഒന്ന് അടിസ്ഥാനമാക്കി കണക്കാക്കും.
മറ്റു തസ്തികകളുടെ യോഗ്യത സംബന്ധിച്ച വിവരങ്ങൾക്കു വിജ്ഞാപനം കാണുക.
പ്രിമിലിമിനറി പരീക്ഷ ഒക്ടോബർ മൂന്നിനും മെയിൻ പരീക്ഷ നവംബർ 8നും നടത്തും ഇന്റർവ്യൂ ഇണ്ടാവും.
അപേക്ഷ ഫീസ്: 700 രൂപ.
പട്ടികവിഭാഗം, ഭിന്നശേഷിക്കാർക്ക്
85 രൂപ ഇൻ്റിമേഷൻ ചാർജ് മതി. ഓൺലൈനായി ഫീസ് അടയ്ക്കാൻ സാധിക്കും.
കൂടുതൽ അറിയാൻ ഇവിടെ വെബ്സൈറ്റ് നോക്കുക
website: www.licindia.in
2) പിന്നാക്ക വിഭാഗ വികസന വകുപ്പിൽ നിലവിലുള്ളതും പി.എസ്.സിയ്ക്ക് റിപ്പോർട്ട് ചെയ്തതുമായ ഒരു ക്ലറിക്കൽ ഒഴിവിലേയ്ക്കും മറ്റൊരു പ്രീതീക്ഷിത ക്ലറിക്കൽ ഒഴിവിലേയ്ക്കുമായി യോഗ്യതകളുള്ളവരെ തിരുവനനന്തപുരം വെള്ളയമ്പലം അയ്യൻകാളി ഭവനിൽ സ്ഥിതിചെയ്യുന്ന വകുപ്പ് ഡയറക്ടറേറ്റിൽ ദിവസ വേതന അടിസ്ഥാനത്തിൽ താത്കാലികമായി നിയോഗിക്കുന്നതിന് അപേക്ഷ ക്ഷണിച്ചു.
അപേക്ഷ സമർപ്പിക്കുന്നത് സംബന്ധിച്ച വിവരങ്ങൾ www.bcdd.kerala.gov.in എന്ന വെബ്സൈറ്റിൽ ലഭ്യമാണ്. നിർദ്ദിഷ്ട മാതൃകയിൽ അപേക്ഷ പൂരിപ്പിച്ച് അനുബന്ധ രേഖകൾ സഹിതം വകുപ്പ് ഡയറക്ടറേറ്റിൽ നേരിട്ടോ ഇ മെയിൽ മുഖേനയോ ലഭ്യമാക്കണം. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 9.
വനിത കരാട്ടെ ട്രെയിനർ
വൈത്തിരി ഗ്രാമപഞ്ചായത്ത് വാർഷിക പദ്ധതിയുടെ ഭാഗമായി പെൺകുട്ടികൾക്ക് കരാട്ടെ പരിശീലനം നൽകാൻ അംഗീകൃത വനിതാ ട്രെയിനർമാരിൽ നിന്നും അപേക്ഷ ക്ഷണിച്ചു. സ്പോർട്സ് കൗൺസിൽ രജിസ്ട്രേഷനുള്ള ട്രെയിനർമാർ പരിശീലനത്തിന് ഒരു കുട്ടിക്ക് ഒരു ക്ലാസിന് ഈടാക്കുന്ന നിരക്ക് രേഖപ്പെടുത്തണം. ഉദ്യോഗാർത്ഥികൾ ട്രെയിനർ കോഴ്സ് പൂർത്തീകരിച്ച രേഖകളുമായി സെപ്റ്റംബർ ഒന്നിന് വൈകിട്ട് അഞ്ചിനകം അപേക്ഷ നൽകണം