കുടുംബാരോഗ്യ കേന്ദ്രത്തിൽ ടാറ്റാ എൻട്രി ഓപ്പറേറ്റർ മുതൽ അവസരങ്ങൾ.
മാത്തൂര് കുടുംബാരോഗ്യ കേന്ദ്രത്തിൽ ദിവസ വേതനാടിസ്ഥാനത്തില് ഡാറ്റാ എന്ട്രി ഓപ്പറേറ്ററെ നിയമിക്കുന്നു. പി.ജി.ഡി.സി.എ/ ഡി.സി.എ / കമ്പ്യൂട്ടര് വേഡ് പ്രൊസസ്സിങ് എന്നിവയില് ഏതെങ്കിലും യോഗ്യത ഉള്ളവര്ക്ക് അപേക്ഷിക്കാം.
ഇംഗ്ലീഷ്, മലയാളം ടൈപ്പ് റൈറ്റിങ് അറിഞ്ഞിരിക്കണം.പ്രായം 2025 ജനുവരി ഒന്നിന് 40 കവിയരുത്. പ്രവൃത്തിപരിചയമുള്ളവര്ക്കും,
മാത്തൂര് ഗ്രാമ പഞ്ചായത്തിലു ള്ളവര്ക്കും മുന്ഗണന ലഭിക്കും.
അപേക്ഷകള് ഒക്ടോബര് നാലിന് വൈകീട്ട് അഞ്ച് മണിക്കുള്ളില് കുടുംബാരോഗ്യ കേന്ദ്രം ഓഫീസില് നേരിട്ടോ തപാല് മുഖാന്തിരമോ എത്തിക്കണം.
2) മള്ട്ടി പര്പ്പസ് വര്ക്കർ നിയമനം
ഇടുക്കി ജില്ല നാഷണല് ആയുഷ് മിഷന് കരാര് അടിസ്ഥാനത്തില് മള്ട്ടി പര്പ്പസ് വര്ക്കറെ (കാരുണ്യ പ്രോജക്ട്) നിയമിക്കുന്നതിന് ഒക്ടോബര് 6 ന് രാവിലെ 11 മണിക്ക് കൂടിക്കാഴ്ച്ച നടക്കും. താൽപ്പര്യമുളള ഉദ്യോഗാര്ഥികള് വയസ്, യോഗ്യത, അഡ്രസ് എന്നിവ തെളിയിക്കുന്ന അസൽ സര്ട്ടിഫിക്കറ്റുകളും, സര്ട്ടിഫിറ്റുകളുടെ കോപ്പികളുമായി തൊടുപുഴ ഇടുക്കി ജില്ലാ ആയുര്വേദ ആശുപത്രിയില് പ്രവര്ത്തിക്കുന്ന നാഷണല് ആയുഷ് മിഷന് ജില്ലാ പ്രോഗ്രാം മാനേജര് ഓഫീസില് എത്തിച്ചേരണം.
അഭിമുഖത്തിന് 20 പേരില് കൂടുതല് ഉദ്യോഗാർഥികള് ഉണ്ടെങ്കില് ഇന്റര്വ്യു, എഴുത്ത് പരീക്ഷ എന്നിവയുടെ അടിസ്ഥാനത്തില് ആയിരിക്കും നിയമനം. ഇടുക്കി ജില്ലയിലെ സ്ഥിരതാമസക്കാര്ക്ക് മുന്ഗണന ഉണ്ടായിരിക്കും. പ്രായ പരിധി 40 വയസ് കവിയരുത്.
3) ജില്ലാ എംപ്ലോയ്മെന്റ് എക്സ്ചേഞ്ചിലെ എംപ്ലോയബിലിറ്റി സെന്ററില് വിവിധ സ്വകാര്യ സ്ഥാപനങ്ങളിലെ ഒഴിവുകളിലേക്ക് സെപ്റ്റംബര് 30 രാവിലെ 10.30 മുതല് അഭിമുഖം നടത്തും. പ്ലസ്.ടു മുതല് ഉയര്ന്ന യോഗ്യതയുള്ള 18 നും 35 നും മധ്യേ പ്രായമുള്ളവര്ക്ക് പങ്കെടുക്കാം. മൂന്ന് സെറ്റ് ബയോഡാറ്റയും ആധാര് കാര്ഡുമായി എത്തണം. എംപ്ലോയബിലിറ്റി സെന്ററില് രജിസ്റ്റര് ചെയ്യുന്നവര്ക്ക് സോഫ്റ്റ് സ്കില്, കംപ്യൂട്ടര് പരിശീലനം നല്കി സര്ട്ടിഫിക്കറ്റ് വിതരണം ചെയ്യും
4) താത്ക്കാലിക നിയമനം
ചാത്തന്നൂര് ഐ.ടി.ഐയില് ഡ്രസ് മേക്കിങ് ട്രേഡില് ഇന്സ്ട്രക്ടറുടെ താത്കാലിക ഒഴിവിലേക്ക് ഈഴവ/ബില്ലവ/തിയ്യ വിഭാഗത്തില് നിന്നും നിയമനം നടത്തും. യോഗ്യത: ബന്ധപ്പെട്ട വിഷയത്തില് എന്.ടി.സിയും മൂന്ന് വര്ഷത്തെ പ്രവര്ത്തിപരിചയവും/എന്.എ.സിയും ഒരു വര്ഷത്തെ പ്രവര്ത്തി പരിചയവും അല്ലെങ്കില് ഡ്രസ് മേക്കിങ്/ഗാര്മെന്റ് ഫാബ്രിക്കേറ്റിംഗ് ടെക്നോളജി/കോസ്റ്റ്യൂം ടെക്നോളജി/ അപ്പാരല് ടെക്നോളജി വിഷയത്തിലെ ബി.വോക്ക്/ബിരുദവും പ്രവര്ത്തി പരിചയവും അല്ലെങ്കില് ബന്ധപ്പെട്ട വിഷയങ്ങളിലെ ഡിപ്ലോമയും രണ്ട് വര്ഷ പ്രവൃത്തി പരിചയവും. അസല് സര്ട്ടിഫിക്കറ്റുകളും പകര്പ്പുകളും സഹിതം ചാത്തന്നൂര് ഐ.ടി.ഐ പ്രിന്സിപ്പള് മുമ്പാകെ ഒക്ടോബര് ആറ് രാവിലെ 11ന് ഹാജരാകണം.
5) മഞ്ചേരി ഗവ. മെഡിക്കല് കോളേജ് ആശുപത്രിയില് എച്ച്.ഡി.എസിന് കീഴില് ദിവസ വേതനാടിസ്ഥാനത്തില് ന്യൂറോ ടെക്നീഷ്യന് തസ്തികയിലേക്ക് താത്ക്കാലിക നിയമനം നടത്തുന്നതിനുള്ള വാക്ക് ഇന് ഇന്റര്വ്യൂ സെപ്റ്റംബര് 30ന് രാവിലെ 10.30ന് ആശുപത്രി സൂപ്രണ്ടിന്റെ ഓഫീസില് നടക്കും. ഗവ. അംഗീകൃത ഡിപ്ലോമ ഇന് ന്യൂറോ ടെക്നോളജി, രജിസ്ട്രേഷന് സര്ട്ടിഫിക്കറ്റ് എന്നീ യോഗ്യതയുള്ള 45 വയസ്സ് തികയാത്തവര്ക്ക് പങ്കെടുക്കാം.
ഉദ്യോഗാര്ത്ഥികള് എല്ലാ സര്ട്ടിഫിക്കറ്റുകളും സാക്ഷ്യപ്പെടുത്തിയ പകര്പ്പുകളും ഒരു കോപ്പി പാസ്പോര്ട്ട് സൈസ് ഫോട്ടോയും ആധാര് കാര്ഡും സഹിതം ഹാജരാകണം.