കൊച്ചിൻ ഷിപ്പ്യാർഡ് ലിമിറ്റഡിൽ വിവിധ അവസരങ്ങൾ.
ഓർഗനൈസേഷൻ: കൊച്ചിൻ ഷിപ്പ്യാർഡ് ലിമിറ്റഡ് (CSL)
തസ്തിക: സ്കാഫോൾഡർ ട്രെയിനി
ആകെ ഒഴിവുകൾ: 60
ജോലി സ്ഥലം: കൊച്ചി, കേരളം.
വിദ്യാഭ്യാസ യോഗ്യത:
ഏറ്റവും കുറഞ്ഞ യോഗ്യത: എസ്എസ്എൽസി (പത്താം ക്ലാസ്) പാസായിരിക്കണം.
ഏറ്റവും കൂടിയ യോഗ്യത: പ്ലസ് ടു (പന്ത്രണ്ടാം ക്ലാസ്) വരെ.
ശ്രദ്ധിക്കുക: ഡിഗ്രി, ഡിപ്ലോമ, ഐടിഐ തുടങ്ങിയ ഉയർന്ന യോഗ്യതകൾ ഉള്ളവർക്ക് അപേക്ഷിക്കാൻ അർഹതയില്ല .
പ്രായപരിധി (22 ജൂലൈ 2026 പ്രകാരം)
പരമാവധി 23 വയസ്സ്. 2003 ജൂലൈ 23-ന് ശേഷം ജനിച്ചവർക്ക് അപേക്ഷിക്കാം.
പ്രായ ഇളവ്: ഒബിസി വിഭാഗക്കാർക്ക് 3 വയസ്സും, എസ്സി/എസ്ടി വിഭാഗക്കാർക്ക് 5 വയസ്സും ഇളവ് ലഭിക്കും .
പരിശീലന കാലയളവ്: 3 മാസം. ഈ കാലയളവിൽ പ്രതിമാസം 10,000/- സ്റ്റൈപ്പൻഡ് ലഭിക്കും.
തുടർന്നുള്ള നിയമനം:
കമ്പനിയുടെ ആവശ്യത്തിനും പ്രകടനത്തിനും അനുസരിച്ച്, പരിശീലനം വിജയകരമായി പൂർത്തിയാക്കുന്നവർക്ക് കരാറടിസ്ഥാനത്തിൽ നിയമനം ലഭിച്ചേക്കാം. ഇത്തരത്തിൽ കരാർ നിയമനം ലഭിക്കുകയാണെങ്കിൽ, ആദ്യ വർഷം പ്രതിമാസം 20,100/- വേതനം ലഭിക്കും. തുടർന്നുള്ള വർഷങ്ങളിൽ വാർഷിക വർധനയ്ക്കും അർഹതയുണ്ട്.
അപേക്ഷിക്കേണ്ട വിധം.
കൊച്ചിൻ ഷിപ്പ്യാർഡിന്റെ ഔദ്യോഗിക വെബ്സൈറ്റായ www.cochinshipyard.in സന്ദർശിക്കുക.
വെബ്സൈറ്റിലെ 'Career' പേജിൽ നിന്ന് 'CSL, Kochi' എന്ന ഓപ്ഷൻ തിരഞ്ഞെടുക്കുക.
അപേക്ഷിക്കുന്നതിന് മുമ്പ് വെബ്സൈറ്റിൽ ലഭ്യമായ 'User Manual' ഉം 'FAQ' ഉം ശ്രദ്ധാപൂർവ്വം വായിക്കുക.
'One Time Registration' പൂർത്തിയാക്കി, SAP ഓൺലൈൻ പോർട്ടലിൽ രജിസ്റ്റർ ചെയ്യുക.
അപേക്ഷാ ഫോം കൃത്യമായി പൂരിപ്പിക്കുകയും, ആവശ്യമായ രേഖകൾ (പ്രായം, വിദ്യാഭ്യാസ യോഗ്യത, ജാതി സർട്ടിഫിക്കറ്റുകൾ, പാസ്പോർട്ട് വലുപ്പമുള്ള ഫോട്ടോ) അപ്ലോഡ് ചെയ്യുക.
ബാധകമെങ്കിൽ, അപേക്ഷാ ഫീസ് 200/- (SC/ST വിഭാഗക്കാർക്ക് ഒഴിവാക്കിയിരിക്കുന്നു) ഓൺലൈൻ മാർഗ്ഗം (ഡെബിറ്റ്/ക്രെഡിറ്റ് കാർഡ്, നെറ്റ് ബാങ്കിംഗ്) അടക്കുക.
എല്ലാ വിവരങ്ങളും പരിശോധിച്ച് ഉറപ്പാക്കിയ ശേഷം, അപേക്ഷ സമർപ്പിക്കുക (Submit) ചെയ്യുക. അപേക്ഷയുടെ സ്റ്റാറ്റസ് "In process" എന്ന് കാണിക്കുന്നുണ്ടെന്ന് ഉറപ്പാക്കുക.
അപേക്ഷ വിജയകരമായി സമർപ്പിച്ച ശേഷം, രജിസ്ട്രേഷൻ നമ്പർ അടങ്ങിയ അപേക്ഷയുടെ ഒരു പ്രിന്റ് ഔട്ട് അല്ലെങ്കിൽ സോഫ്റ്റ് കോപ്പി സൂക്ഷിക്കുക.
പ്രധാന തീയതികൾ
ഓൺലൈൻ അപേക്ഷ ആരംഭിക്കുന്ന തീയതി: 30 ജൂൺ 2026.
അപേക്ഷിക്കാനുള്ള അവസാന തീയതി: 22 ജൂലൈ 2026.