എയർപോർട്ട്സ് അതോറിറ്റിയിൽ വിവിധ അവസരങ്ങൾ.

എയർപോർട്ട്സ് അതോറിറ്റിയിൽ വിവിധ അവസരങ്ങൾ.

എയർപോർട്ട്സ് അതോറിറ്റിയിൽ മാനേജർ, ജൂനിയർ എക്സിക്യൂട്ടീവ് ഒഴിവുകൾ.

എയർപോർട്ട്സ് അതോറിറ്റി (AAI) 2026-ലെ റിക്രൂട്ട്മെന്റ് വിജ്ഞാപനം പുറത്തിറക്കി. സിവിൽ ഏവിയേഷൻ മേഖലയിലെ പ്രമുഖ പൊതുമേഖലാ സ്ഥാപനമായ AAI-യിൽ മാനേജർ, ജൂനിയർ എക്സിക്യൂട്ടീവ് തസ്തികകളിലേക്കാണ് നിയമനം നടത്തുന്നത്. യോഗ്യതയുള്ള ഉദ്യോഗാർഥികൾക്ക് ഓൺലൈനായി അപേക്ഷിക്കാം.

2026 ഓഗസ്റ്റ് 8-ന് അപേക്ഷ സ്വീകരിച്ചു തുടങ്ങി. അപേക്ഷ സമർപ്പിക്കാനുള്ള അവസാന തീയതി 2026 സെപ്റ്റംബർ 7 ആണ്.

മാനേജർ തസ്തികയിലേക്ക് പരമാവധി 32 വയസ്സും ജൂനിയർ എക്സിക്യൂട്ടീവ് തസ്തികയിലേക്ക് പരമാവധി 27 വയസ്സുമാണ് പ്രായപരിധി. സംവരണ വിഭാഗങ്ങളിൽപ്പെട്ട ഉദ്യോഗാർഥികൾക്ക് സർക്കാർ ചട്ടങ്ങൾ പ്രകാരം പ്രായ ഇളവ് ലഭിക്കും.

1) മാനേജർ തസ്തികകളിൽ എൻജിനീയറിംഗ്, ഫിനാൻസ്, ഇൻഫർമേഷൻ ടെക്നോളജി, ഓപ്പറേഷൻസ്, കൊമേഴ്സ്യൽ, ഫയർ സർവീസസ് തുടങ്ങിയ വിഭാഗങ്ങളിൽ ഒഴിവുകളുണ്ട്. മാനേജർ (എൻജിനീയറിംഗ് - സിവിൽ) തസ്തികയിൽ 14 ഒഴിവുകളും മാനേജർ (എൻജിനീയറിംഗ് - ഇലക്ട്രിക്കൽ) തസ്തികയിൽ 16 ഒഴിവുകളുമുണ്ട്. സിവിൽ അല്ലെങ്കിൽ ഇലക്ട്രിക്കൽ എൻജിനീയറിങ്ങിൽ ബിരുദവും കുറഞ്ഞത് മൂന്ന് വർഷത്തെ പ്രവൃത്തിപരിചയവും ആവശ്യമാണ്.

2) മാനേജർ (ഫിനാൻസ്) തസ്തികയിൽ 34 ഒഴിവുകളുണ്ട്. എം.ബി.എ. ഫിനാൻസ്, സി.എ., സി.എം.എ. അല്ലെങ്കിൽ സി.എഫ്.എ. യോഗ്യതയും കുറഞ്ഞത് മൂന്ന് വർഷത്തെ പ്രവൃത്തിപരിചയവും ആവശ്യമാണ്. മാനേജർ (ഇൻഫർമേഷൻ ടെക്നോളജി) തസ്തികയിൽ അഞ്ച് ഒഴിവുകളുണ്ട്. കമ്പ്യൂട്ടർ സയൻസ്, ഐ.ടി. അല്ലെങ്കിൽ ഇലക്ട്രോണിക്സ് വിഭാഗത്തിൽ ബി.ഇ./ബി.ടെക്. അല്ലെങ്കിൽ എം.സി.എ. യോഗ്യതയും മൂന്ന് വർഷത്തെ പ്രവൃത്തിപരിചയവും ആവശ്യമാണ്.

3) മാനേജർ (ഓപ്പറേഷൻസ്). തസ്തികയിൽ 28 ഒഴിവുകളുണ്ട്. ബി.എസ്.സി.യും എം.ബി.എ.യും അല്ലെങ്കിൽ ബി.ഇ./ബി.ടെക്. യോഗ്യതയും മൂന്ന് വർഷത്തെ എയർപോർട്ട് ഓപ്പറേഷൻസ് പരിചയവും ആവശ്യമാണ്. ലൈറ്റ് മോട്ടോർ വെഹിക്കിൾ ഡ്രൈവിംഗ് ലൈസൻസും നിർബന്ധമാണ്. മാനേജർ (കൊമേഴ്സ്യൽ) തസ്തികയിൽ ഒമ്പത് ഒഴിവുകളുണ്ട്. ബിരുദവും എം.ബി.എ. മാർക്കറ്റിംഗ് യോഗ്യതയും അല്ലെങ്കിൽ ബി.ഇ./ബി.ടെക്. യോഗ്യതയും മൂന്ന് വർഷത്തെ മാർക്കറ്റിംഗ് അല്ലെങ്കിൽ സെയിൽസ് പരിചയവും ആവശ്യമാണ്.

4) മാനേജർ (ഫയർ സർവീസസ്). തസ്തികയിലും ഒഴിവുകളുണ്ട്. ഫയർ, മെക്കാനിക്കൽ അല്ലെങ്കിൽ ഓട്ടോമൊബൈൽ എൻജിനീയറിങ്ങിൽ ബി.ഇ./ബി.ടെക്. യോഗ്യതയും മൂന്ന് വർഷത്തെ ഫയർ സർവീസ് പരിചയവും ആവശ്യമാണ്. ഈ തസ്തികയിലേക്ക് ശാരീരികക്ഷമതാ പരീക്ഷയും ഡ്രൈവിംഗ് ടെസ്റ്റും ഉണ്ടായിരിക്കും. ആർക്കിടെക്ചർ, ലോ, കോർപ്പറേറ്റ് പ്ലാനിംഗ്, കോർപ്പറേറ്റ് കമ്മ്യൂണിക്കേഷൻസ് തുടങ്ങിയ വിഭാഗങ്ങളിലും മാനേജർ തസ്തികകളിൽ ഒഴിവുകളുണ്ട്.

5) ജൂനിയർ എക്സിക്യൂട്ടീവ്. തസ്തികകളിലും നിരവധി ഒഴിവുകളുണ്ട്. ജൂനിയർ എക്സിക്യൂട്ടീവ് (ഫിനാൻസ്) തസ്തികയിൽ 36 ഒഴിവുകളാണുള്ളത്. എം.ബി.എ. ഫിനാൻസ്, സി.എ., സി.എം.എ. അല്ലെങ്കിൽ സി.എഫ്.എ. യോഗ്യതയുള്ളവർക്ക് അപേക്ഷിക്കാം. ഈ തസ്തികയിലേക്ക് പ്രവൃത്തിപരിചയം ആവശ്യമില്ല.

6) ജൂനിയർ എക്സിക്യൂട്ടീവ്. (ഓപ്പറേഷൻസ്) തസ്തികയിൽ 79 ഒഴിവുകളുണ്ട്. ബി.എസ്.സി.യും എം.ബി.എ.യും അല്ലെങ്കിൽ ബി.ഇ./ബി.ടെക്. യോഗ്യതയും ഉള്ളവർക്ക് അപേക്ഷിക്കാം. പ്രവൃത്തിപരിചയം ആവശ്യമില്ലെങ്കിലും ലൈറ്റ് മോട്ടോർ വെഹിക്കിൾ ഡ്രൈവിംഗ് ലൈസൻസ് നിർബന്ധമാണ്. ജൂനിയർ എക്സിക്യൂട്ടീവ് (ലോ) തസ്തികയിൽ ആറ് ഒഴിവുകളുണ്ട്. മൂന്ന് വർഷത്തെ അല്ലെങ്കിൽ അഞ്ച് വർഷത്തെ നിയമബിരുദം നേടിയവർക്ക് അപേക്ഷിക്കാം. ഈ തസ്തികയിലേക്കും പ്രവൃത്തിപരിചയം ആവശ്യമില്ല. സർവേ ആൻഡ് കാർട്ടോഗ്രഫി വിഭാഗത്തിലും ജൂനിയർ എക്സിക്യൂട്ടീവ് ഒഴിവുകളുണ്ട്.

അപേക്ഷാ ഫീസ് 1,000 ആണ്. എസ്.സി., എസ്.ടി., പി.ഡബ്ല്യു.ബി.ഡി., വനിതകൾ, AAI അപ്രന്റീസുകൾ എന്നിവർക്ക് അപേക്ഷാ ഫീസ് ഒഴിവാക്കിയിട്ടുണ്ട്.

തിരഞ്ഞെടുപ്പ് കമ്പ്യൂട്ടർ അധിഷ്ഠിത പരീക്ഷ, രേഖാ പരിശോധന എന്നിവയുടെ അടിസ്ഥാനത്തിലായിരിക്കും. മാനേജർ തസ്തികകൾക്ക് അഭിമുഖവും ഉണ്ടായിരിക്കും.

മാനേജർ തസ്തികയിലെ ശമ്പള സ്കെയിൽ 60,000 മുതൽ 1,80,000 വരെയാണ്. ജൂനിയർ എക്സിക്യൂട്ടീവ് തസ്തികയിൽ 40,000 മുതൽ 1,40,000 വരെയാണ് ശമ്പളം. ഇതിന് പുറമെ ഡി.എ., എച്ച്.ആർ.എ., മറ്റ് ആനുകൂല്യങ്ങൾ, സി.പി.എഫ്., ഗ്രാറ്റുവിറ്റി, മെഡിക്കൽ ആനുകൂല്യങ്ങൾ തുടങ്ങിയവയും ലഭിക്കും.

അപേക്ഷിക്കുന്നതിനായി AAI-യുടെ ഔദ്യോഗിക വെബ്സൈറ്റായ www.aai.aero സന്ദർശിച്ച് Careers വിഭാഗം തിരഞ്ഞെടുക്കണം. ബന്ധപ്പെട്ട റിക്രൂട്ട്മെന്റ് വിജ്ഞാപനം പരിശോധിച്ച് ഓൺലൈൻ അപേക്ഷാ ഫോം പൂരിപ്പിക്കണം. ഫോട്ടോ, ഒപ്പ്, ഇടത് തള്ളവിരലിന്റെ അടയാളം, കൈകൊണ്ട് എഴുതിയ ഡിക്ലറേഷൻ എന്നിവ നിർദേശിച്ചിരിക്കുന്ന ഫോർമാറ്റിൽ അപ്‌ലോഡ് ചെയ്യണം. ആവശ്യമായ വിവരങ്ങൾ കൃത്യമായി നൽകി അപേക്ഷാ ഫീസ് അടച്ച ശേഷം അപേക്ഷ സമർപ്പിക്കാം. അപേക്ഷ സമർപ്പിച്ചതിന് ശേഷം അതിന്റെ പ്രിന്റ് എടുത്ത് സൂക്ഷിക്കുന്നത് നല്ലതാണ്.

OBC (NCL), EWS, SC/ST, PwBD വിഭാഗങ്ങളിൽപ്പെട്ട ഉദ്യോഗാർഥികൾക്ക് സാധുവായ സർട്ടിഫിക്കറ്റുകൾ ഉണ്ടായിരിക്കണം. രേഖാ പരിശോധന സമയത്ത് ആവശ്യമായ സർട്ടിഫിക്കറ്റുകൾ ഹാജരാക്കാൻ കഴിയാത്തവരുടെ അപേക്ഷ നിരസിക്കപ്പെടാം.

അപേക്ഷ സമർപ്പിക്കാനുള്ള അവസാന തീയതി 2026 സെപ്റ്റംബർ 7 ആണ്. കൂടുതൽ വിവരങ്ങൾക്കും ഓൺലൈനായി അപേക്ഷിക്കുന്നതിനുമായി AAI-യുടെ ഔദ്യോഗിക വെബ്സൈറ്റ് www.aai.aero സന്ദർശിക്കുക.