ഐ ഒ സി യിൽ വിവിധ യോഗ്യതയിൽ അവസരങ്ങൾ.
തസ്തികകളും ഒഴിവുകളും
Grade A വിഭാഗത്തിൽ ആകെ 411 ഒഴിവുകളാണുള്ളത്. സിവിൽ എൻജിനീയറിങ്ങിൽ 62, കെമിക്കൽ എൻജിനീയറിങ്ങിൽ 16, ഇലക്ട്രിക്കൽ വിഭാഗത്തിൽ 75, ഇലക്ട്രോണിക്സ് ആൻഡ് കമ്മ്യൂണിക്കേഷനിൽ 32, മെക്കാനിക്കൽ വിഭാഗത്തിൽ 118, ഇൻസ്ട്രുമെന്റേഷനിൽ 35, കമ്പ്യൂട്ടർ സയൻസ് ആൻഡ് ഐ.ടി. വിഭാഗത്തിൽ 22, നിയമ വിഭാഗത്തിൽ 10, മാർക്കറ്റിങ് വിഭാഗത്തിൽ 41 ഒഴിവുകളാണുള്ളത്. Grade A0 വിഭാഗത്തിൽ ക്വാളിറ്റി കൺട്രോൾ (കെമിസ്ട്രി) തസ്തികയിൽ 9 ഒഴിവുകളുണ്ട്. Grade E0 വിഭാഗത്തിൽ ഇലക്ട്രിക്കൽ 14, മെക്കാനിക്കൽ 21, സേഫ്റ്റി 15 എന്നിങ്ങനെ ആകെ 50 ഒഴിവുകളാണുള്ളത്.
വിദ്യാഭ്യാസ യോഗ്യത
Graduate Engineer (Grade A) തസ്തികയിലേക്ക് കെമിക്കൽ, സിവിൽ, കമ്പ്യൂട്ടർ സയൻസ് ആൻഡ് ഐ.ടി., ഇലക്ട്രിക്കൽ, ഇലക്ട്രോണിക്സ് ആൻഡ് കമ്മ്യൂണിക്കേഷൻ, ഇൻസ്ട്രുമെന്റേഷൻ, മെക്കാനിക്കൽ തുടങ്ങിയ വിഷയങ്ങളിൽ B.E./B.Tech ബിരുദമുള്ളവർക്ക് അപേക്ഷിക്കാം. General, EWS, OBC വിഭാഗങ്ങളിൽപ്പെട്ടവർക്ക് കുറഞ്ഞത് 65 ശതമാനം മാർക്കും SC, ST, PwBD വിഭാഗക്കാർക്ക് 55 ശതമാനം മാർക്കും ആവശ്യമാണ്. പരമാവധി പ്രായം 26 വയസ്സാണ്.
Officer – Marketing (Grade A) തസ്തികയ്ക്ക് മാർക്കറ്റിങ് സ്പെഷ്യലൈസേഷനോടെയുള്ള രണ്ട് വർഷത്തെ ഫുൾടൈം MBA അല്ലെങ്കിൽ PGDM ആണ് യോഗ്യത. General, EWS, OBC വിഭാഗക്കാർക്ക് 60 ശതമാനവും മറ്റ് വിഭാഗക്കാർക്ക് 55 ശതമാനവും മാർക്ക് വേണം. അപേക്ഷകരുടെ പരമാവധി പ്രായം 28 വയസ്സാണ്.
Officer – Law (Grade A) തസ്തികയിലേക്ക് മൂന്ന് വർഷത്തെ LLB അല്ലെങ്കിൽ അഞ്ച് വർഷത്തെ ഇന്റഗ്രേറ്റഡ് LLB യോഗ്യതയുള്ളവർക്ക് അപേക്ഷിക്കാം. കുറഞ്ഞത് രണ്ട് വർഷത്തെ ബന്ധപ്പെട്ട പ്രവൃത്തിപരിചയവും ആവശ്യമാണ്. General, EWS, OBC വിഭാഗക്കാർക്ക് 60 ശതമാനവും മറ്റ് വിഭാഗക്കാർക്ക് 55 ശതമാനവും മാർക്ക് വേണം. പരമാവധി പ്രായം 30 വയസ്സാണ്.
Assistant Quality Control Officer (Grade A0) തസ്തികയ്ക്ക് കെമിസ്ട്രിയുമായി ബന്ധപ്പെട്ട വിഷയത്തിൽ മാസ്റ്റേഴ്സ് ബിരുദവും കുറഞ്ഞത് രണ്ട് വർഷത്തെ ലാബ് ടെസ്റ്റിങ് പ്രവൃത്തിപരിചയവും ആവശ്യമാണ്. General, EWS, OBC വിഭാഗക്കാർക്ക് 60 ശതമാനവും മറ്റ് വിഭാഗക്കാർക്ക് 55 ശതമാനവും മാർക്ക് വേണം. പരമാവധി പ്രായപരിധി 30 വയസ്സാണ്.
Diploma Engineer (Grade E0) തസ്തികയിൽ ഇലക്ട്രിക്കൽ, മെക്കാനിക്കൽ, സേഫ്റ്റി വിഭാഗങ്ങളിൽ മൂന്ന് വർഷത്തെ ഡിപ്ലോമയാണ് യോഗ്യത. General, EWS, OBC വിഭാഗക്കാർക്ക് 60 ശതമാനവും മറ്റ് വിഭാഗക്കാർക്ക് 55 ശതമാനവും മാർക്ക് ആവശ്യമാണ്. പരമാവധി പ്രായം 26 വയസ്സാണ്. ഈ തസ്തികയിലേക്ക് B.Tech, MBA തുടങ്ങിയ ഉയർന്ന പ്രൊഫഷണൽ യോഗ്യതയുള്ളവർക്ക് അപേക്ഷിക്കാൻ അർഹതയില്ല.
ശമ്പളം
Grade A തസ്തികകളിൽ
50,000 മുതൽ 1,60,000 വരെയും Grade A0 വിഭാഗത്തിൽ 40,000 മുതൽ 1,40,000 വരെയും Grade E0 വിഭാഗത്തിൽ 30,000 മുതൽ 1,20,000 വരെയുമാണ് ശമ്പള സ്കെയിൽ. ഇതിന് പുറമെ DA, HRA, മെഡിക്കൽ ആനുകൂല്യങ്ങൾ ഉൾപ്പെടെയുള്ള വിവിധ ആനുകൂല്യങ്ങളും ലഭിക്കും. Grade A ജീവനക്കാരുടെ വാർഷിക CTC ഏകദേശം 18.4 ലക്ഷം വരെയും Grade A0 വിഭാഗത്തിൽ 14.8 ലക്ഷം വരെയും Grade E0 വിഭാഗത്തിൽ 11.1 ലക്ഷം വരെയും വരാം.
തിരഞ്ഞെടുപ്പ് പ്രക്രിയ
മൂന്ന് ഘട്ടങ്ങളിലൂടെയാണ് ഉദ്യോഗാർഥികളെ തിരഞ്ഞെടുക്കുന്നത്. ആദ്യം Computer Based Test (CBT) നടത്തും. ഇതിന് ശേഷം Group Discussion (GD), Group Task (GT) എന്നിവയും അവസാന ഘട്ടത്തിൽ Personal Interview (PI)യും ഉണ്ടാകും. അന്തിമ തിരഞ്ഞെടുപ്പിൽ CBTയ്ക്ക് 85 ശതമാനം വെയിറ്റേജും GD, GT എന്നിവയ്ക്ക് 5 ശതമാനവും Personal Interviewന് 10 ശതമാനവും വെയിറ്റേജ് നൽകും.
മൂന്ന് ഘട്ടങ്ങളിലെയും പ്രകടനം വിലയിരുത്തിയ ശേഷമായിരിക്കും അന്തിമ നിയമനം.